Daar is baie min mense wat huisskoonmaak onder hul gunsteling tydverdrywe sal tel – en gelukkig is daar ‘n paar slim idees om sleurwerk te beperk.
Die volgende wenke uit Chas Everitt International se nuusbrief, Property Signposts, kan jou help om tyd bespaar, of jy nou ‘n nuwe huis wil koop, jou huis wil opknap of jou jaarlikse groot skoonmaak beplan:
Kies waar moontlik soliede vloeroppervlakke soos hout of teëls – dit sal net so vuil word soos matte maar kan baie makliker en vinniger skoongemaak word en enige vloeistowwe kan gou met ‘n klam lap skoongevee word.
Kies gladde werksoppervlakke vir die kombuis en badkamer wat maklik skoongevee kan word.
Verftegnieke soos sponswerk of laprolwerk skep visuele diepte en kan taai vingermerke, veral in kinders se slaapkamers of speelkamers, verbloem.
Ingewikkelde draperings voor vensters is ‘n magneet vir stof en is moeilik om te was – oorweeg eenvoudige en elegante gordyne of rolblindings.
Hou in gedagte dat kleedstof met patrone of tekstuur ‘n vuil merk beter sal verbloem as effekleurige of gladde materiaal.
‘n Mens kan nooit te veel pakplek hê nie en kaste en speelgoedkiste vir items wat andersinds sou rondlê, kan skoonmaaktyd aansienlik beperk.
* Vermy oop rakke en kaste met hortjiesdeure of deure met uitstaanpanele wat stof vergaar.
Ligte wat in die plafon aangebring word vergaar minder stof as kandelare of lampskerms – en indien jy geselskap bo skoonmaak verkies, oorweeg dempskakelaars wat ‘n gesellige atmosfeer skep en boonop enige stof minder sigbaar maak!
Uitgereik deur Chas Everitt International
Vir nadere besonderhede:
Berry Everitt
011 801 2500 of besoek